茄子蛋 - 浪子回頭
薰 一支一支一支咧點
hun tsi̍t-ki tsi̍t-ki tsi̍t-ki leh tiám
酒 一杯一杯一杯咧焦
tsiú tsi̍t-pue tsi̍t-pue tsi̍t-pue leh ta
請你愛體諒我
tshiánn lí ài thé-liōng guá
我酒量無好
guá tsiú-liōng bô hó
莫共我創空
mài kā guá tshòng-khang
時間 一工一工一工咧走
sî-kan tsi̍t-kang tsi̍t-kang tsi̍t-kang leh tsáu
汗 一滴一滴一滴咧流
kuānn tsi̍t-tih tsi̍t-tih tsi̍t-tih leh lâu
有一工 咱攏老
ū tsi̍t-kang lán lóng lāu
𤆬某囝鬥陣
tshuā bóo-kiánn tàu-tīn
浪子回頭
lōng-tsú huê-thâu
親愛的
tshin-àì ê
可愛的
khó-ài ê
緣投的朋友
iân-tâu ê pîng-iú
糞埽的 (垃圾)
pùn-sò ê
無品的
bô-phín ê
無路用的朋友
bô-lōo-iōng ê pîn̂g-iú
佇坎坷的路 騎我兩光烏肚䆀 (在道路高低不平 Ride motorbike)
tī khám-khia̍t ê lōo khiâ guá lióng-kong oo-tóo-bái
橫直我的人生 敢若狗屎
huâinn-ti̍t guá ê jîn-sing kán-ná káu-sái
我無錢無某無囝
guá bô tsînn bô bóo bô kiánn
干焦一條命
kan-na tsi̍t-tiâu miā
朋友啊
pîng-iú--ah
鬥陣來跋
tàu-tīn lâi pua̍h
No comments:
Post a Comment